是咁的，英國人工作的效率真的令人很無言，話說我上星期五問某部門的呀頭拎一組數據，咁當然，一轉身梗係射個三分波，就扔左俾佢手下做，我理解亦都覺得好正常，唔通要人自己去搵咩？於是，眨下眼又過左六天，當然是石沉大海，音訊全無啦，我職責所在，係咪要發個電郵溫馨提示下呀？
之後，呢個呀頭堅好波，覆返個電郵返黎：請唔好CC我。
我＿你，你有時間覆我唔好CC你，不如你叫你隻馬俾組數字我啦，唔駛實數，俾個大約我都收貨，大佬，我只係問一些很基本的經濟數據，你閉上眼都可以俾到個大約數我，我唔係問你拎蟲洞跳躍條公式呀，六日啦，你知唔知耶和華造天地都只係用左六日而已，聽日第七日大家交唔到份report就一齊安息日啦，你俾組數字我有幾難呀？你真係決定將個答案射落海大家攬炒都唔益我？
他們是真的有本事明知件事急到癲，但都唔會做俾你，大家都好似鬥扮工咁，結果？咪不停輸deals，輸下一單輸下又一單，但大家又覺得無乜所謂咁... 上月先裁左員，大家真係冇感覺？
#工已放
#多難興邦
#明天大家一死以謝天下
#攬炒
#今晚食乜好
#做隻飽鬼
Search